Balenciaga-ს პიჯაკი და პატარა ვინტაჟური ჩანთა: როგორ წარსდგა ანუკი არეშიძე "თბილისობა 2026"-ის ღონისძიებაზე - Marao

თბილისმა წელს კიდევ ერთხელ უმასპინძლა ქალაქის მთავარ სახალხო დღესასწაულს „თბილისობა 2026“-ს, რომელიც 3 და 4 ოქტომბერს აღინიშნა.

წლევანდელი ფესტივალი, რომელიც საპატიო თბილისელების საზეიმო დაჯილდოებით დასრულდა, კულტურული, გასართობი და საბავშვო ღონისძიებებით იყო დატვირთული, რასაც როგორც დედაქალაქის მაცხოვრებლები, ისე სხვა ქალაქებიდან ჩამოსული სტუმრებიც ესწრებოდნენ.

ძირითადი აქტივობები დედაქალაქის ხუთ მთავარ ისტორიულ და ულამაზეს ლოკაციაზე - რიყის პარკში, ორბელიანისა და გუდიაშვილის მოედნებზე, ასევე ლეღვთახევსა და ევროპის მოედანი-მეტეხის ხიდის მიმდებარე ტერიტორიაზე გადანაწილდა.

კახა კალაძისა და ანუკი არეშიძის გამოჩენა ფესტივალზე

დღესასწაულის მასპინძელი თბილისის მერი, კახა კალაძე იყო, რომელმაც მეუღლესთან, ანუკი არეშიძესთან ერთად მიიღო მონაწილეობა საზეიმო ღონისძიებებში. განსაკუთრებული ყურადღება მიიქცია ანუკი არეშიძის დახვეწილმა და ელეგანტურმა სტილმა.

• სეზონის მთავარი ჰიტი ანუკი არეშიძისგან: სპორტული ქურთუკი, რომელიც ყველა მოდური გოგოს გარდერობში უნდა იყოს

მან ღონისძიებისთვის კლასიკური შავი ფერის სტრუქტურული სილუეტის მქონე Balenciaga-ს ბრენდის „Hourglass“ ტიპის მატყლის ნარევი პალტო მოირგო, რომლის ღირებულებაც 3,750 აშშ დოლარს შეადგენს.

• "იქნებ, სწორედ ასეთია ბედნიერება " - ანუკი არეშიძე წერილს აქვეყნებს

თავისი ვიზუალი ანუკი არეშიძემ დახვეწილი აქსესუარებით შეავსო: მან პატარა, მბზინავი Judith Leiber-ის ბრენდის კრისტალებით გაწყობილი მინი-ჩანთა აირჩია, რომლის ფასიც ფასდაკლებით 167.50 აშშ დოლარია (საწყისი ფასი 335 დოლარი იყო).

მთლიანი ლუქი კი ჰარმონიულად დაასრულა ელეგანტურმა მარგალიტის ყელსაბამმა და თვალისმომჭრელმა სამკაულებმა.

• 2018 წლიდან - 2026 წლამდე: ანუკი არეშიძის ჩაცმულობები 26 მაისს: მდიდრული მოდის სახლები, ცნობილი ბრენდები და სტილის ევოლუცია