36 წლის მარიამ ქვრივიშვილი ვიცე-პრემიერი გახდა: დაფარული პირადი ცხოვრება, ძვირადღირებული სამკაულების კოლექცია და ბიზნესმენი ქმარი - Marao
36 წლის მარიამ ქვრივიშვილი ვიცე-პრემიერი გახდა: დაფარული პირადი ცხოვრება, ძვირადღირებული სამკაულების კოლექცია და ბიზნესმენი ქმარი
მარიამ ქვრივიშვილი 1990 წლის 11 ივნისს თბილისში დაიბადა. არის ქართველი პოლიტიკოსი, საქართველოს მე-10 მოწვევის პარლამენტის წევრი 2020-2021 წლებში. არის „ქართული ოცნება - დემოკრატიული საქართველოს“ პოლიტიკური საბჭოს წევრი. იკავებდა საქართველოს ეკონომიკისა და მდგრადი განვითარების მინისტრის პოზიციას. 2026 წლის 7 ოქტომბერს კი ცნობილი გახდა, რომ ის ვიცე-პრემიერის თანამდებობას დაიკავებს. ამის შესახებ „ქართული ოცნების“ მთავრობის მეთაურმა ირაკლი კობახიძემ მთავრობის სხდომაზე განაცხადა. მთავრობაში ვიცე-პრემიერის თანამდებობები ასევე უკავიათ თავდაცვის მინისტრ ირაკლი ჩიქოვანსა და საგარეო საქმეთა მინისტრ მაკა ბოჭორიშვილს.
მარიამ ქვრივიშვილის კარიერა
მარიამ ქვრივიშვილი 2010-2012 წლებში იყო შპს „აჭარა ჯგუფის“ ადამიანური რესურსების მართვის ხელმძღვანელის მოადგილე. 2012-2014 წლებში იყო სსიპ ტურიზმის ეროვნული ადმინისტრაციის ხელმძღვანელის მოადგილე. 2014-2019 წლებში იყო შპს „ვოიაჟერის“ გენერალური დირექტორი; ა/კ flydubai-ს რეგიონული მენეჯერი საქართველოში. 2019-2020 წლებში იყო სსიპ ტურიზმის ეროვნული ადმინისტრაციის ხელმძღვანელი.
2020 წლის 11 დეკემბრიდან 2021 წლის 25 მაისამდე იყო საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება - დემოკრატიული საქართველო“. 2021 წლის 24 მაისიდან საქართველოს ეკონომიკისა და მდგრადი განვითარების მინისტრის მოადგილე. 2025 წლის 24 ივნისიდან საქართველოს ეკონომიკისა და მდგრადი განვითარების მინისტრი.
2024 წლის არჩევნებისთვის ქვრივიშვილი „ქართული ოცნების“ საპარლამენტო სიის მეთორმეტე ნომრად წარადგინეს.
მარიამ ქვრივიშვილის ოჯახი
მარიამ ქვრივიშვილის მეუღლე 1992 წელს, სოხუმში დაბადებული ოთარ ბერიშვილია. ის მარიამისგან განსხვავებით, ჯერჯერობით, კერძო სექტორში საქმიანობს.
ოთარ ბერიშვილი რამდენიმე კომპანიის, მათ შორის, შპს "გემო-96“, შპს "რუბიკონი 1“, შპს "კურორტი აბასთუმანი სანატორიუმი არაზინდო“, შპს "ს ბათუმი“, სს "დასასვენებელი სახლი შუქურა“, შპს "ინდუსტრიული ქალაქი“ დირექტორია.
მარიამ ქვრივიშვილის აპრილის 2025 წლის ქონებრივი დეკლარაციის მიხედვით, ის ფოლბს შპს „ვოიაჟერის“- 10%-იან წილსა და შპს „ეარლაინ რეპრეზენთეიშენ გრუპის” 30%-იან წილებს.
მარიამ ქვრივიშვილის საკუთრებაშია ბინა თბილისში და მიწის ნაკვეთი წავკისში, ასევე BMW-ის მარკის ავტომობილი, თუმცა განსაკუთრებულ ყურადღებას მაინც მისი ძვირადღირებული სამკაულების კოლექცია იქცევს - მარიამ ქვრივიშვილი ფლობს Rolex-ის ბრენდის 2 საათი, რომლის ჯამური ფასი 22 000 დოლარია, Cartier-ის ბრენდის სამაჯურსა და ბეჭედს, რომლებშიც 10 500 დოლარი გადაიხადა 2017 წელს.