"ძალიან ვამაყობ შენით, ანასტასია" - ქეთი ხატიაშვილის ქალიშვილის მორიგი ტრიუმფი - Marao

"ძალიან ვამაყობ შენით, ანასტასია" - ქეთი ხატიაშვილის ქალიშვილის მორიგი ტრიუმფი

2026-11-16 11:54:55+04:00

ქეთი ხატიაშვილისა და დავით კაჭარავას ოჯახს საზოგადოება განსაკუთრებული ყურადღებით ადევნებს თვალს. წყვილს ორი საერთო შვილი ჰყავს, თუმცა მათ ოჯახურ იდილიას წინა ქორწინებებიდან შეძენილი შვილებიც ავსებენ.

ქეთის უფროსი ქალიშვილი, ანასტასია ვადაჭკორია, დედის გზას წარმატებით აგრძელებს - ის ტანმოვარჯიშე და მოცეკვავეა. მაყურებელს ანასტასია არაერთი საინტერესო პროექტიდან ახსოვს, სულ ცოტა ხნის წინ კი მან საკუთარი შესაძლებლობები „ცეკვავენ ვარსკვლავებშიც“ გამოავლინა. მიუხედავად იმისა, რომ ჯერ ძალიან ახალგაზრდაა, ანასტასიას კარიერაში უკვე ბევრი პრესტიჟული ჯილდო და აღიარებაა.

ამჯერად ქეთი ხატიაშვილი გამომწერებს ანასტასიას მორიგ დიდ გამარჯვებას უზიარებს. როგორც ირკვევა, მან თანამედროვე ცეკვის მსოფლიო ჩემპიონატზე საპატიო მე-4 ადგილი დაიკავა.

„მე-4 ადგილი თანამედროვე ცეკვის მსოფლიო ჩემპიონატზე! ძალიან ვამაყობ შენით, ანასტასია და მიხარია, რომ საკუთარი თავის შეცნობასა და ზრდას აგრძელებ. მადლობა ყველას, ვინც ამ დიდ შრომაში მხარს გვიჭერდა!“  - წერს ქეთი.

keti-khatiashvili

keti-khatiashvili

keti-khatiashvili

keti-khatiashvili

  • ქეთი ხატიაშვილის ქალიშვილის უდიდესი წარმატება: "ამ ადგილის მოპოვება რთული არ ყოფილა, მაგრამ მისი შენარჩუნება ბევრად რთულია" 

ქეთი ხატიაშვილის ოჯახი და კარიერა  

ტანმოვარჯიშე ქეთი ხატიაშვილი და ყოფილი მორაგბე დავით კაჭარავა მეორე საერთო შვილის მშობლები გახდნენ. წყვილს გოგონა შეეძინათ. პატარას მარია დაარქვეს.

პატარა მარია ქეთისთვისაც და დავითისთვისაც მესამე შვილია - მათ პირველი ქორწინებებიდან შვილები, ქეთის გოგონა, დავითს კი ვაჟი ჰყავს. 

ქეთევან ხატიაშვილი საზოგადოებამ გაიცნო პროექტით „ცეკვავენ ვარსკვლავები“. კასტინგისთვის გადაღებულმა მისმა ვიდეომ დიდი მოწონება დაიმსახურა და უცნობი ტანმოვარჯიშე მე-13 კონკურსანტი გახდა. რამდენიმე დღეში ქეთი უკვე მთელმა ქვეყანამ გაიცნო.

მაშინ, 2013 წელს მეგა-შოუ „ცეკვავენ ვარსკვლავებში“ ახალი წესი შემოიტანეს. პროექტში საზოგადოებისთვის უცნობ ადამიანსაც შეეძლო მონაწილეობის მიღება. ქეთიმ ორგანიზატორების მიერ შემოთავაზებულ მუსიკაზე ვიდეორგოლი გადაიღო, საიტზე ატვირთა და 4 ათასზე მეტი ხმით ლიდერი გახდა. აქედან დაიწყო ქეთევან ხატიაშვილის ვარსკვლავური ცხოვრება. პროექტის დასასრული, მოგების მიუხედავად, მისთვის დრამატული აღმოჩნდა. სწორედ ამ პერიოდს დაემთხვა ქეთევან ხატიაშვილის ოჯახის დანგრევა. 

ქეთი დაქორწინებული იყო ბიზნესმენ ლევან ვადაჭკორიაზე. მათ ერთი ქალიშვილი, ანასტასია ვადაჭკორია ჰყავთ, რომელიც მალე 13 წლის გახდება და დედის გზას აგრძელებს. 2016 წელს, მაშინ, როცა ქეთიმ წელის ტრავმა მიიღო და ოპერაცია დასჭირდა, ცნობილი გახდა, რომ ტანმოვარჯიშე მეუღლეს დაშორდა. ქეთიმ მოგვიანებით აღნიშნა, რომ ოჯახის დანგრევა მისთვის და მისი ქალიშვილისთვის მარტივი არ ყოფილა. 

  • "ვამაყობ ჩემი ქალიშვილით" - ქეთი ხატიაშვილის უფროსი შვილი ცეკვის საერთაშორისო ფესტივალზე - რა შედეგი დააფიქსირა მოცეკვავემ 

keti-khatiashvili

"ბევრი სირთულე გავიარე – ოჯახის დანგრევა, გაჭირვება; სპორტშიც მქონდა დაბრკოლებები და დეპრესია, მაგრამ ეს ყველაფერი რომ არ ყოფილიყო, ისეთი ქეთი არ ვიქნებოდი, როგორიც ვარ. კარგია, თუ სხვის შეცდომებზე ისწავლი, მაგრამ ყოველთვის ვერ ვახერხებთ. ჩვენ, ყველანი, ჩვენს გზას გავდივართ. არ არსებობს ცხოვრების ერთი დადგენილი თეორია. ამიტომ თავად უნდა შეძლო გზის გაკვალვა.

მეხმარებოდნენ, ორივე ბებია ხელს მიწყობდა. მამაჩემი ანასტასიას ყველგან დაატარებდა. მზრუნველი ბაბუა იყო. სამწუხაროდ, გარდაიცვალა და ახლა მე დამყავს იმ ადგილებში, სადაც ბაბუს დაჰყავდა. ანასტასია არის ჩემი გაგრძელება და იმედი", - ამბობდა ქეთი.