სოციალური ქსელის ახალი გმირები
ბოლო დღეებში სოციალურ ქსელებში განსაკუთრებული ყურადღება მიიქცია პატარა ქართველი გოგო-ბიჭის, ტასო კალანდიასა და დათა ბერიძიშვილის ვიდეომ, რომელიც საბავშვო სამოსის ბრენდის, „Ketis babydress“-ის გადაღებიდან გავრცელდა. ვიდეო Gabi studio • გაბი სტუდიაშია გადაღებული.

კადრებში პატარები საზეიმო, წითელ სამოსში არიან წარმოდგენილნი და თავიანთი გარეგნობით, ბუნებრივი მანერებითა და უშუალობით მაყურებელთა გულებს მარტივად იგებენ.
გავრცელებულ ვიდეოსა და ფოტომასალაში დათა და ტასო ნამდვილ ზღაპრულ გმირებს ჰგვანან — ბიჭუნა სამეფო სტილის, ოქროსფერი დეტალებით გაფორმებულ წითელ სამოსში პოზირებს, ხოლო გოგონას ელეგანტური, წითელი კაბა ამშვენებს. სწორედ ამ კონტრასტმა და ბავშვების დახვეწილმა მიმიკებმა შექმნა ის განწყობა, რომლის გამოც პოსტებმა სწრაფად მოაგროვა ათასობით რეაქცია და გაზიარება.

სოციალურ მედიაში პატარების ვიდეოების ასეთი წარმატება ხშირად იმ გულწრფელობითა და ბუნებრიობით აიხსნება, რაც ბავშვებს კამერის წინ ახასიათებთ. ტასო კალანდიასა და დათა ბერიძიშვილის შემთხვევაშიც მაყურებელმა განსაკუთრებით დააფასა მათი არტისტული სითამამე, დახვეწილი იერი და ის პოზიტიური ენერგია, რომელმაც ბრენდის სარეკლამო კადრები სოციალური ქსელის მთავარ განხილვის თემად აქცია.
ამ მართლაც ზღაპრულ პრინცესასა და პრინცს კადრს მიღმაც გაგაცნობთ - ტასო კალანდიას ჰყავს ორი და მაშო და კირა კალანდიები. მისი დედა გვანცა ბერულავაა, ხოლო მამა - თორნიკე კალანდია.

დათა ბერიძიშვილს ერთი უფროსი ძმა, ირაკლი ბერიძიშვილი ჰყავს, მისი დედა ელზა მენთეშაშვილია, მამა კი - იოსებ ბერიძიშვილი. მშობლები და და-ძმები პატარა დათისა და ტასოს მთავარი გულშემატკივრები არიან.