“გერმანიაში გვატყობინებენ თარიღს როდის უნდა ვიყოთ სახლში და კორპუსში მოდის ინსპექცია” - რას წერს თაკო ურუშაძე - Marao

“გერმანიაში გვატყობინებენ თარიღს როდის უნდა ვიყოთ სახლში და კორპუსში მოდის ინსპექცია” - რას წერს თაკო ურუშაძე

2026-11-20 12:24:28+04:00

"ყველაფერი პოლიტიკურია ამ სამყაროში, გაზის გამათბობლის აფეთქებით დაწყებული, შუა კორპუსთან გახეთქილი ცენტრალური წყლის მილით გაგრძელებული და ავარიებში ამომწყდარი ოჯახებით დამთავრებული.

  • „აღარ მყავს არც და და არც დისშვილი, არიანა..." - ვინ არიან ფონიჭალაში აფეთქების დროს გარდაცვლილი დედა-შვილი

გერმანიაში, მაგალითად, ნოემბრის პირველი 10 დღის განმავლობაში გვატყობინებენ თარიღს და დროს, როდის უნდა ვიყოთ სახლში და კორპუსში მოდის ინსპექცია, ვინც ამოწმებს გამათბობელს და მილებს. ყოველ წელს სტიკერი უნდა დააკრან "ქვაბს", სავალდებულო პროცესია ეს, მეხუთე წელია იგივე პროცესს გავდივართ სრული სიზუსტით.

წელს ჩემთან ნამწვის გაწოვის სიმძლავრე არ მოეწონათ და მილები უნდა გაწმინდონ, ველოდები ახლა 2-3 დღეში", - წერს სოციალური ქსელის მომხმარებელი, თაკო ურუშაძე საკუთარ გვერდზე. 

fonichala

რა მოხდა ფონიჭალაში

2026 წლის 19 ნოემბერს ქვემო ფონიჭალაში, ხუთსართულიან საცხოვრებელ კორპუსში მომხდარი აფეთქების შედეგად 7 ადამიანი დაიღუპა. სამაშველო ოპერაცია დასრულდა. 

  • "ამ ტრაგედიამ ყველა შეგვცვალა... თითქოს ყველაფერი, რაც აქამდე გვაწუხებდა, ერთ წამში უმნიშვნელო გახდა" - ბარბარა სამხარაძე თბილისში მომხდარი ტრაგედიის შესახებ

აფეთქება დილის საათებში, ქვემო ფონიჭალის ხუთსართულიანი საცხოვრებელი კორპუსის სადარბაზოში მოხდა, რამაც ნგრევა გამოიწვია.  წინასწარი ინფორმაციით, აფეთქება ბუნებრივი აირის გაჟონვას უკავშირდება. გარდაცვლილებს შორის არიან დედა-შვილი, ნინო ჭელიძე და ნუცა ფხალაძე. ასევე დედა-შვილი, ვერონიკა (ვერიკო) ვანიშვილი და მისი მცირეწლოვანი ქალიშვილი, არიანა. გარდაცვლილია 28 წლის ბიჭი, ასევე ახალგაზრდა ქალი.