ბლოგი

აფრიკულ ზღაპრებში დამალული იდუმალება. უძველესი კულტურის საიდუმლო

აფრიკულ ზღაპრებში დამალული იდუმალება. უძველესი კულტურის საიდუმლო
უძველესი დროიდან მოყოლებული, აფრიკის მიწები ბევრ იდუმალებას ინახავს. როდესაც დაღლილი მზე ჰორიზონტს მიღმა გაუჩინარდება, როდესაც ცაზე პირველი ვარსკვლავები გამოჩნდება, ადგილობრივები ცეცხლს ანთებენ, კოცონის გარშემო სხდებიან, რომ მორიგი ზღაპარი მოისმინონ, რომელიც ამ გასაოცარი და იდუმალი სამყაროს კარს გაუღებთ.

აი, სწორედ ამ მომენტში, აფრიკელები გარემომცველ სამყაროსთან, ცხოველებთან, მცენარეებთან, წინაპრების სულებთან და ღმერთებთან ერთიანდებიან.
ხშირად კოცონთან ასეთ შეკრებებს თან ახლავს აფრიკული ტამტამების რიტმული ხმა. ისინი საუბრობენ, მღერიან და ცეკვავენ. ეს ყველაფერი კი ერთ მთლიან, მისტიკურ რიტმად იქცევა.


საინტერესოა, რომ აფრიკის
სხვადასხვა რეგიონში ხშირად გვხვდება საერთო ზღაპრები. სავარაუდოდ, ისინი აფრიკელების კოლექტიური არაცნობიერის გამოვლინებაა ან მეტ-ნაკლებად ცნობილი ზღაპრები საუკუნეების მანძილზე მოგზაურობდნენ აფრიკის კონტინენტზე. თაობიდან - თაობას, ტომიდან - ტომს, ცეცხლიდან - ცეცხლს გადაეცემოდნენ.


ეს ზღაპრები გაჟღენთილია აფრიკული სულით, აფრიკული რიტმით, მათში აფრიკული კულტურის გულისცემა იგრძნობა. თითოეული ზღაპარი უნიკალურია და სხვადასხვა ამბავს გვიამბობს. მთხრობელი ყოველთვის ცდილობს, მთავარი გმირის გრძნობები გადმოგვცეს. ზოგჯერ აფრიკულ ზღაპრებს არ აქვს დასასრული და მთხრობელი მკითხველს ეკითხება, თუ რა შეიძლება მოხდეს მათი აზრით.


აფრიკულ ზღაპრებში შეცდომის ერთადერთი განაჩენი - სიკვდილია.

აფრიკულ ზღაპრებს არ გააჩნდათ წერილობითი ფორმა. ისინი თხრობით გადაეცემოდა თაობებს. ამიტომაც, ევროპული ზღაპრებისგან განსხვავებით, აფრიკული ზღაპრები ეპიზოდების კომბინაციებისგან შედგება და არ არის გამართულად აგებული.


აფრიკულ ზღაპრებში სიმდიდრედ არ მიიჩნევა არც ოქრო, არც ფული ან მიწა. აქ სიმდიდრე - საჭმელი ან ზოგიერთ შემთხვევაში, ლამაზი ცოლია.
რაოდენ გასაკვირიც უნდა იყოს, მრავალი აფრიკული ზღაპარი ისტორიკოსების ინტერესის საგანს წარმოადგენს, რადგან მათში არა მარტო გამოგონილი, მითოლოგიური მოვლენებია მოთხრობილი, არამედ უძველესი ტომების გაჩენის ისტორიაც. რა თქმა უნდა, ზღაპრები წინაპრების ამბებს ალეგორიული და ჰიპერბოლიზებული სახით გადმოსცემს, მაგრამ მათში აფრიკელების წარმოდგენებიც ჩანს: სამყაროს შექმნის, ადამიანის გაჩენის ისტორია და ა.შ.


საინტერესოა ისიც, რომ აფრიკაში ზღაპრების მთხრობელები ძირითადად მამაკაცები არიან. დასავლეთ აფრიკაში პროფესიონალი მეზღაპრე მამაკაცების სპეციალური კასტაც კი შეიქმნა. მათ დიელებს ეძახიან.

აფრიკულ ზღაპრებში ბევრი ამბავია ცხოველების მონაწილეობით. ბევრი ღრმა, შემეცნებით ხასიათს ატარებს. ის აფრიკელი ხალხების ნამდვილი კულტურული მემკვიდრეობაა.

„მსოფლიოს ხალხთა ზღაპრების“ სერიაში 13 ივნისიდან გამოვა „აფრიკული ზღაპრები“. მისი შეძენა ჟურნალ „გზასთან“ ერთად იქნება შესაძლებელი.


შეიძლება დაგაინტერესოთ: სპარსული ზღაპრების საიდუმლო - ვინ არის ჯინი?
ზღაპრები დიდებისთვის - მსოფლიოში ერთ-ერთი ყველაზე მისტიკური კულტურის საიდუმლოებები

FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif
გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
ორ სა ოთ ხუ პა შა კვ
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30