„დისნეიმ“ ჯონის 300 მილიონი დოლარი შესთავაზა, მაგრამ მას დედამიწის ზურგზე ვერაფერი დაარწმუნებს იმაში, რომ ჯეკ ბეღურას როლი კვლავ ითამაშოს" - ჯონი დეპის ადვოკატები "ჯეკ ბეღურას" შესახებ გავრცელებულ ჭორებს ეხმაურებიან - Marao
„დისნეიმ“ ჯონის 300 მილიონი დოლარი შესთავაზა, მაგრამ მას დედამიწის ზურგზე ვერაფერი დაარწმუნებს იმაში, რომ ჯეკ ბეღურას როლი კვლავ ითამაშოს" - ჯონი დეპის ადვოკატები "ჯეკ ბეღურას" შესახებ გავრცელებულ ჭორებს ეხმაურებიან
„კარიბის ზღვის მეკობრეების“ ფანებმა ყველა ჭორი არ უნდა დაიჯერონ. ამ კვირას ავსტრალიურმა საიტმა გაავრცელა ინფორმაცია, რომ კაპიტან ჯეკ ბეღურას როლის შესრულების სანაცვლოდ „დისნეი“ დეპს 300 მილიონ დოლარს გადაუხდიდა.
„დისნეი" ძალიან არის დაინტერესებული ჯონი დეპთან ურთიერთობის აღდგენით. მათ დიდი იმედი აქვთ, რომ დეპი ძველ წყენას დაივიწყებს და ფილმის ახალ ნაწილში დაბრუნდება“, - წერდა გამოცემა.
თუმცა CNN-ისთვის ბოლოს მიცემულ ინტერვიუში ჯონიმ და მისმა ადვოკატებმა ყველა ჭორი უარყვეს და განაცხადეს, რომ ის „კარიბის ზღვის მეკობრეებში“ აღარასდროს დაბრუნდება.
„ფაქტი ის არის, რომ „დისნეიმ“ ჯონის 300 მილიონი დოლარი შესთავაზა, მაგრამ მას დედამიწის ზურგზე ვერაფერი დაარწმუნებს იმაში, რომ ჯეკ ბეღურას როლი კვლავ ითამაშოს“, - განაცხადა ბენ როტენბერმა.
შეგახსენებთ, რომ მაისის დასაწყისში ფილმის პროდიუსერმა ისაუბრა იმაზე, რომ „კარიბის ზღვის მეკობრეებს“ კიდევ ორი ახალი ნაწილი ექნება, თუმცა შეკითხვაზე, მიიღებს თუ არა ფილმში მონაწილეობას ჯონი დეპი, კერი ბრაქჰეიმერმა განაცხადა, რომ ფილმის ბედი უკვე გადაწყვეტილია და ჯონი დეპს ჯეკ ბეღურას საკულტო როლით ვეღარ ვიხილავთ.
