რატომ უნდა გავიკეთოთ კიტრის ნიღაბი (+ რეცეპტი) - Marao
რატომ უნდა გავიკეთოთ კიტრის ნიღაბი (+ რეცეპტი)
ზაფხულში, კიტრის სეზონზე კიტრის ნიღაბი რომ არ გაიკეთოთ, დანაშაულია. კიტრს აქვს გამწმენდი, აღმდგენი, მათეთრებელი, მკვებავი ეფექტი. კიტრის ნიღაბი შეგიძლიათ ყოველდღე გაიკეთოთ, არ დახარჯოთ ფული ძვირად ღირებულ სალონურ პროცედურებზე და მიიღოთ საოცარი ეფექტი.
ნიღბის მოსამზადებლად მხოლოდ ორი ინგრედიენტი გვჭირდება: კიტრი და კურკუმა. კიტრი - ეს არის საუკეთესო საშუალება კანის მოსავლელად. სხვა უამრავ სასარგებლო თვისებასთან ერთად, ის ამშვიდებს კანს მზეზე ყოფნის შემდეგ. კურკუმა კი აახალგაზრდავებს კანს, შლის ნაოჭებს. ამ დუეტით კანი გაგიხდებათ დატენიანებული და მკვრივი.
შეურიეთ ერთმანეთს ნახევარი კიტრი და 1/2 ჩაის კოვზი კურკუმა. მიღებული ნარევი წაისვით სახეზე და 15-20 წუთი გაიჩერეთ. ჩამოიბანეთ ცივი წყლით. შეიმშრალეთ ქაღალდის ხელსახოცით, ქსოვილისაზე კურკუმას ფერი გადადის. სასურველია, ნიღაბი ძილის წინ გაიკეთოთ. ნიღაბი გაიკეთეთ კვირაში სამჯერ. თუმცა შედეგს პირველივე ცდაზე ნახავთ.