ჯორჯინა უზკუტეგუის ვრცელი კითხვა-პასუხი: "არავინ შეურაცხყოფს შენს სახელს იმაზე მეტად, ვისაც ეშინია, რომ მათ შესახებ სიმართლეს იტყვი" - Marao
ჯორჯინა უზკუტეგუის ვრცელი კითხვა-პასუხი: "არავინ შეურაცხყოფს შენს სახელს იმაზე მეტად, ვისაც ეშინია, რომ მათ შესახებ სიმართლეს იტყვი"
ჯორჯინა უზკუტეგუი ფართო საზოგადოებამ მას შემდეგ გაიცნო, რაც UFC-ის ჩემპიონთან, ქართველ სპორტსმენ ილია თოფურიასთან ერთად გაიცნო. წყვილი რამდენიმე წლის მანძლზე ცხოვრობდა ერთად, მათ საერთო შვილი, ჯორჯინაც შეეძინათ, თუმცა ცოტა ხნის წინ ეს ურთიერთობა ხმაურით დასრულდა - ილია თოფურიამ და ჯორჯინა უზკუტეგუიმ სასამართლოს ჩარევით გადაწყვიტეს შვილის მეურვეობის, ფინანსური თუ სხვა სახის საკითხები. საბოლოოდ, სასამართლო დავა მხარეთა შეთანხმებით დასრულდა.
ჯორჯინა უზკუტეგუი განქორწინების შემდეგ სოციალურ ქსელში განსაკუთრებით აქტიურია - ხშირად წერს ცნობილ გამონათქვამებსა თუ სამოტივაციო წერილებს, რომლებიც ურთიერთობებს, თვითგამოხატვასა და განვითარებას ეხება. ამჯერად კი გამომწერების კითხვებს პასუხობს. კითხვა-პასუხი ვრცელი გამოვიდა - ჯორჯინამ ურთიერთობებზე, ოჯახზე, განქორწინებასა და თვითგანვითარებაზე ისაუბრა:
ჯორჯინა უზკუტეგუიოჯახსა და ურთიერთობებზე
- არასოდეს აპირებ დაიცვა თავი იმისგან, რაც შენზე თქვეს? (სიძულვილის გარეშე)
- სიმართლეს დაცვა არ სჭირდება. მას დრო სჭირდება.
- რა არის ყველაზე დიდი გამოწვევა, რომელიც დედის ამპლუაში გადალახე?
- იმის დათმობა, რაც სამართლიანი ჩანდა, რათა მომავალში დამეცვა მისი სიცოცხლე და გული.
- დრო ყველაფერს კურნავს?
- შეცდომებისთვის თვალებში ჩახედვა, მათგან სწავლა და პიროვნული განვითარება - აი, ეს კურნავს ყველაფერს. დრო შეიძლება გადიოდეს, მაგრამ არაფერი შეიცვლება, თუ შენ არ შეიცვლები.
- წარსულს რომ გადახედავ, გააკეთებდი რამეს სხვანაირად?
- აპატიე საკუთარ თავს იმის არცოდნა, რის სწავლებაც მხოლოდ დროს შეეძლო.
- საუკეთესო რჩევა ახალბედა მშობლებისთვის – 3 თვეში გოგონას ველოდებით.
- იმუშავეთ საკუთარ ჭრილობებზე, რათა მათ არ მოუწიოთ თქვენი შვილების გაზრდა. ზოგიერთი ამბობს: „შვილისთვის თავს მოვიკლავ“, მაგრამ ჩვენ უნდა გვსურდეს ჩვენი პოტენციალის მაქსიმუმით ცხოვრება, რათა მათ ჩვენი საუკეთესო ვერსია მიიღონ.
- არსებობს ერთი მოსამართლე და ეს არის დრო. მომწონს, რომ არაფერს ამბობ და არაფერს ასაჯაროებ მაშინ, როცა მეორე მხარეს ცირკს მართავენ.
- არავინ შეურაცხყოფს შენს სახელს იმაზე მეტად, ვისაც ეშინია, რომ მათ შესახებ სიმართლეს იტყვი.
- რას ნიშნავს შენთვის ქორწინება?
- საწყის წერტილს, სადაც ორი არსება იღებს პასუხისმგებლობას და დებს პირობას, რომ ეყვარებათ ერთმანეთი, პატივს სცემენ, დაიცავენ და იმუშავებენ საკუთარ თავზე (ან ურთიერთობაზე).
- ვინ არის შენთვის კარგი მამაკაცი?
- კარგი მამაკაცი ის არის, ვინც კარგ ქალს სიმშვიდის ერთ დღესაც კი არ ჰპარავს.
- როგორ არის შენი შვილი უგიტო? (Huguito)
- ის ჩემი შვილი არ არის. ის საოცარი ბავშვია.
- როდის კარგავს ქალი მამაკაცისადმი ინტერესს?
- როდესაც წყვეტს მისით აღფრთოვანებას (მისით ტკბობას).
ჯორჯინა უზკუტეგუი თვითგანვითარებასა და პროფესიაზე
- რა არის საუკეთესო რჩევა, რომელიც ოდესმე მოუციათ?
- ყველაფერზე მეტად დაიცავი შენი გული, რადგან მისგან მოედინება სიცოცხლე.
- როგორ მიდის შენი ცხოვრება ბოლო დროს?
- მზის სინათლესავით.
- რას ნიშნავს შენთვის წარმატება?
- იყო თვითკმარი და გქონდეს არჩევანის გაკეთების შესაძლებლობა
- როგორ ახერხებ მიჰყვე ღვთის ნებას გაურკვევლობის მომენტებში?
- იმის ცოდნით, რომ ის (ღვთის ნება) არის კეთილი, სათნო და სრულყოფილი, და ეს არის ის, რაც მე ჩემს ცხოვრებაში მსურს.
- გაქვს რაიმე რჩევა 20-დან 30 წლამდე გოგონებისთვის?
- იმდენი იშრომე საკუთარ თავზე, რომ გქონდეს თავისუფლება, მოაწყო შენი ცხოვრება ისე, როგორც შენ გსურს და წახვიდე მაშინ, როცა ეს საჭირო იქნება.
- რას საქმიანობთ თქვენს პროფესიულ ცხოვრებაში?
- მე ვფლობ და ვხელმძღვანელობ „Future &“-ის სტრატეგიას — ეს არის კომპანიათა ჯგუფი.
- რა გაკვეთილს მისცემდი ქალებს?
- არავითარ გაკვეთილს. მხოლოდ შევახსენებდი, რომ მას აქვს სიცოცხლის შექმნის ძალა და, შესაბამისად... მასვე აქვს ძალა, შექმნას ისეთი ცხოვრება, როგორიც თავად სურს
- რას აკეთებ, როცა ცუდი დღე გაქვს? როგორ აგვარებ ამას / როგორ ცდილობ გამოსწორებას?
- იმის ცოდნით, რომ ცხოვრება გაცილებით მეტია, ვიდრე ეს ერთი ცუდი დღე, და რომ ყველაფერი გაივლის.