არველაძეების ულამაზეს ზღვისპირა აგარაკი და თეონა თავართქილაძის მზიანი არდადეგები - Marao
არველაძეების ულამაზეს ზღვისპირა აგარაკი და თეონა თავართქილაძის მზიანი არდადეგები
თეონა თავართქილაძე მეგობრებს მზიანი არდადეგების კადრებს უზიარებს - თეონას ოჯახი უკვე არაერთი წელია, ზაფხულის ცხელ დღეებსა თუ უქმეებს ზღვისპირა აგარაკზე ატარებს. ძმებ არველაძეებს აჭარაში, ქობულეთის ულამაზეს სოფელ ბუკნარში საკუთარი აგარაკი აქვთ, სადაც ოჯახებსა და მეგობრებთან ერთად დიდ დროს ატარებენ. მთასა და ზღვას შორის მოქცეულ ულამაზეს სახლს კიდევ უფრო ალამაზებს ხედები, გამწვანებული ეზო და სასიამოვნო სიმშვიდე.
რეზი არველაძე და თეონა თავართქილაძე
ქართველი ფეხბურთელი, ნახევარმცველი რეზი არველაძე და დიზაინერი, ბიზნესმენი თეონა თავართქილაძე საქართველოში ბევრისთვის საყვარელი წყვილია. მათი სიყვარული უკვე 30 წელზე მეტს ითვლის - ჰყავთ ორი შვილი - ვატო და ნიკოლოზი. ვატო არველაძე მაკუნა ზედაშიძეზეა დაქორწინებული და ერთი ქალიშვილი, სოფია ჰყავს. ნიკოლოზ არველაძემ კი მსახიობ ქეთი წიქვაძეზე იქორწინა და ცოტა ხნის წინ პირველი შვილის, რეზის მამა გახდა.
"ეს არის რაღაც შიზოფრენიასთან მიახლოებული სიგიჟე. აი, მართლა არ მეგონა, თუ ასეთი რამე არსებობდა. სულ მესმოდა: "შვილიშვილი რომ გეყოლება, ნახავ", "შვილზე ტკბილია" – ამას არ ვეთანხმები, შვილი სხვა არის, მაგრამ ეს არის რაღაც დაუჯერებელი გრძნობა. ეს არ არის მხოლოდ იმიტომ, რომ ჩემი შვილის შვილია. ეს არის პერსონალური, დაუჯერებელი სიყვარული აი ამ პატარა ადამიანის მიმართ. სოფია არის რაღაც სასწაული.
რეზი აღმოჩნდა საოცარი ბაბუა. ძალიან კარგი მამა იყო, მაგრამ ბაბუაა რაღაც განსაკუთრებული. აი, სულ სხვა განზომილებაა", - ამბობდა თეონა თავართქილაძე.