მამა-შვილი არველაძეები: ქეთი წიქვაძე ოჯახურ კადრებს აქვეყნებს - Marao

არველაძეების ოჯახი საზოგადოებაში ყოველთვის განსაკუთრებული სიყვარულითა და პოპულარობით სარგებლობს. ამჯერად ყურადღების ცენტრში ოჯახის ახალი თაობის წარმომადგენელი, უმცროსი რეზი არველაძე მოექცა - ქეთი წიქვაძე მორიგ ოჯახურ კადრებს აქვეყნებს.

ქეთი წიქვაძის ოჯახი  

ქეთი წიქვაძე მსახიობ ნანა ლორთქიფანიძის შვილია. მისი ბებია-ბაბუა ყველასთვის ცნობილი და საყვარელი მსახიობი, ქეთევან კიკნაძე და რეჟისორი გიგა ლორთქიფანიძე იყვნენ. მიუხედავად იმისა, რომ ქეთის პროფესიად მსახიობობა არ აურჩევია, ის ფართო საზოგადოებამ მაინც ამ ამპლუით გაიცნო - ქეთი პოპულარულ სერიალში "ჩემი ცოლის დაქალები" სახასიათო როლით გამოჩნდა და მაყურებელს მალევე შეაყვარა თავი. 

• "მე არველაძეების ოჯახს მანამდეც ძალიან კარგად ვიცნობდი, ძალიან კარგი ურთიერთობა მქონდა" - ქეთი წიქვაძის გულახდილი ინტერვიუ

ქეთი წიქვაძე პირველად 22 წლის ასაკში დაქორწინდა და ორი ვაჟი, გიორგია და ილია შეეძინა. ქეთის მეუღლეს მალევე დაშორდა და პირადი ცხოვრების შესახებაც იშვიათად საუბრობდა.

ორი ბიჭი მყავს, შვილები ჩემი ყველაზე ახლო მეგობრები არიან, ძალიან მოსწონთ ის ფაქტი, რომ ქუჩაში მცნობენ, ამით ამაყობენ", - ამბობდა ქეთი. 

რამდენიმე წლის წინ ცნობილი გახდა, რომ ქეთი წიქვაძე ნიკა არველაძეზე იყო შეყვარებული. ნიკა არველაძე ასევე ცნობილი მშობლების, რეზი არველაძისა და თეონა თავართქილაძის უფროსი ვაჟია. ნიკას ჰყავს უმცროსი ძმა, ვატო არველაძე, რომელიც დაოჯახებულია მაკუნა ზედაშიძეზე. წყვილს ერთი შვილი, სოფია არველაძე ჰყავს.

"ბოლო ერთი წელია მე, ნიკა და ბავშვები ერთად ვცხოვრობთ. გავხდით ერთი დიდი ოჯახი, რაც ყველაზე მეტად მაბედნიერებს. ჩვენი ოჯახები ძალიან მშვიდად შეხვდნენ ამ ფაქტს და ამ ურთიერთობას, საბედნიეროდ, ბარიერები არ შეუქმნია, პირიქით, კიდევ უფრო ახლობლები გავხდით ყველანი ერთმანეთისთვის. ზაფხულობით ხშირად ვისვენებდი ნიკას ოჯახთან ერთად ჩაქვში. ამდენად ჩვენ - მე, თეონა და რეზი უფრო ვმეგობრობთ", - ამბობდა ქეთი. 

• რეზი და ბაბუები: არველაძეების ოჯახური კადრები და უმცროსი რეზი არველაძე

ქეთი წიქვაძე და ნიკა არველაძე 2025 წელს ვაჟის მშობლები გახდნენ, რომელსაც ცნობილი ბაბუის, რეზის სახელი დაარქვეს.  

"ნიკა ძალიან კარგი მამაა, მით უმეტეს - ფეხის ამბავი როცა იყო. ყველაფერში მეხმარებოდა და, მოკლედ, კარგი მამაა ნიკა. მე არველაძეების ოჯახს მანამდეც ძალიან კარგად ვიცნობდი, ძალიან კარგი ურთიერთობა მქონდა, მაგრამ ახლა, რაც უფრო დავახლოვდით, მე ამ ადამიანებით ვარ გაოცებული. ყველაზე საყვარლები არიან დედამიწის ზურგზე.

ჩემი და ნიკას ურთიერთობის საფუძველი, ალბათ, ერთმანეთის 100%-იანი ნდობაა; ჩემი აზრით, ესაა ყველაზე მნიშვნელოვანი ურთიერთობაში", - ამბობდა ქეტი ერთ-ერთ ბოლო ინტერვიუში.