"პირ­ვე­ლად 22 წლის ასაკ­ში გავ­ხდი დედა... შვილებს სიყ­ვა­რულ­ში ნამ­დვი­ლად ვერ გა­ნას­ხვა­ვებ" - ქეთი წიქვაძე, როგორც სამი შვილი დედა - Marao

ქეთი წიქვაძე მსახიობ ნანა ლორთქიფანიძის შვილია. მისი ბებია-ბაბუა ყველასთვის ცნობილი და საყვარელი მსახიობი, ქეთევან კიკნაძე და რეჟისორი გიგა ლორთქიფანიძე იყვნენ. მიუხედავად იმისა, რომ ქეთის პროფესიად მსახიობობა არ აურჩევია, ის ფართო საზოგადოებამ მაინც ამ ამპლუით გაიცნო - ქეთი პოპულარულ სერიალში "ჩემი ცოლის დაქალები" სახასიათო როლით გამოჩნდა და მაყურებელს მალევე შეაყვარა თავი. 

• მამა-შვილი არველაძეები: ქეთი წიქვაძე ოჯახურ კადრებს აქვეყნებს

ქეთი წიქვაძე პირველად 22 წლის ასაკში დაქორწინდა და ორი ვაჟი, გიორგი და ილია შეეძინა. ქეთის მეუღლეს მალევე დაშორდა და პირადი ცხოვრების შესახებაც იშვიათად საუბრობდა.

რამდენიმე წლის წინ ცნობილი გახდა, რომ ქეთი წიქვაძე ნიკა არველაძეზე იყო შეყვარებული. ნიკა არველაძე ასევე ცნობილი მშობლების, რეზი არველაძისა და თეონა თავართქილაძის უფროსი ვაჟია. ნიკას ჰყავს უმცროსი ძმა, ვატო არველაძე, რომელიც დაოჯახებულია მაკუნა ზედაშიძეზე. წყვილს ერთი შვილი, სოფია არველაძე ჰყავს.

• "მე არველაძეების ოჯახს მანამდეც ძალიან კარგად ვიცნობდი, ძალიან კარგი ურთიერთობა მქონდა" - ქეთი წიქვაძის გულახდილი ინტერვიუ

ცოტ ხნის წინ ქეთი წიქვაძე და ნიკა არველაძე პირველი საერთო შვილის მშობლები გახდენ და არველაძეების დიდ ოჯახს უმცროსი რეზი არველაძე შეემატა. 

ქეთი წიქვაძის ინტერვიუ

ქეთი წიქვაძე ირინა ქიქოძის პოდკასტის „მერე“ სტუმარი იყო, სადაც შვილებისა და დედობის განცდაზე გულწრფელად ისაუბრა. ქეთი აღნიშნავს, რომ პირველ და მესამე შვილებს შორის სხვაობა 17 წელია: 

- პირ­ვე­ლად 22 წლის ასაკ­ში გავ­ხდი დედა, მაგ­რამ ჩემს შემ­თხვე­ვა­ში არ იყო რთუ­ლი, იმი­ტომ რომ ძა­ლი­ან ბევ­რი დამ­ხმა­რე მყავ­და. მყავ­და ძიძა, მეხ­მა­რე­ბო­და დე­და­ჩე­მი, მე­ო­რე ბე­ბია, დე­ი­დე­ბი... დედა გან­სა­კუთ­რე­ბუ­ლად ცდი­ლობ­და, რომ მეტი თა­ვი­სუფ­ლე­ბა მო­ე­ცა ჩემ­თვის. ზუს­ტად ამი­ტომ, და­უ­ფიქ­რებ­ლად გა­ვა­ჩი­ნე მე­ო­რე შვი­ლიც. და ახლა ვხვდე­ბი, რომ დე­და­ჩე­მი როცა ბე­ბია გახ­და ძა­ლი­ან ახალ­გაზ­რდა იყო, ალ­ბათ ამის გამო, ცოტა ახალ­გაზ­რდო­ბაც წა­ვარ­თვი.

პირ­ველ­სა და მე­სა­მე შვილს შო­რის 17 წე­ლია ასა­კობ­რი­ვი სხვა­ო­ბა. სიყ­ვა­რულ­ში ნამ­დვი­ლად ვერ გა­ნას­ხვა­ვებ, რამ­დე­ნი შვი­ლიც არ უნდა გყავ­დეს, მაგ­რამ ალ­ბათ რა­ღაც ტვინ­ში ხდე­ბა გა­და­ლა­გე­ბა. მეტი დრო­ის დათ­მო­ბა გინ­და ბავ­შვის­თვის და გე­ნა­ნე­ბა, რომ რა­ღა­ცებ­ში დრო და­კარ­გო.