ვინ არიან და რას საქმიანობენ მიხეილ ცაგარელის შვილები: "მე არ ვარ გადამკვდარი მამა, მაგრამ არც ცივი ვარ" - Marao

მიხეილ ცაგარელი: ვარსკვლავური გზა, პირადი ტრანსფორმაცია და ოჯახი

როდესაც კოსმოსზე, პლანეტების განლაგებასა და ზოდიაქოს ნიშნებზე ჩამოვარდება საუბარი, თითოეულ ჩვენგანს თვალწინ ცნობილი ასტროლოგი, მიხეილ ცაგარელი წარმოუდგება. თუმცა, ცოტამ თუ იცის, რომ მის დღევანდელ საქმიანობამდე იყო სრულიად განსხვავებული ცხოვრებისეული ეტაპები - მუსიკითა და „ბიტლომანიით“ გატაცება, ჰიპობა და ხმაურიანი დროსტარება.

როგორც თავად ასტროლოგი იხსენებს, ბავშვობიდანვე უამრავი ეგზისტენციალური კითხვა აწუხებდა, განსაკუთრებით კი სიკვდილისა და სამყაროს კანონზომიერების შესახებ. მისი ინტერესები მკვეთრად განსხვავდებოდა მამის, მეცნიერი ექიმის მატერიალისტური ხედვებისგან. გარდამტეხი მომენტი მის ცხოვრებაში სერიოზულ დაავადებას - მონონუკლეოზს უკავშირდება. სწორედ საწოლს მიჯაჭვულობისას ჩაუვარდა ხელში პირველი ასტროლოგიური წიგნი, რომელმაც საკუთარი თავი და „კუროს“ თვისებები ახლებურად დაანახვა.

• "დედაჩემი არის სიცოცხლის სიყვარული, ბრძოლა, დაუმარცხებლობა" - გვანცა დარასელიას დედა იუბილარია 

მოსკოვსა და კიევში ცოდნის გაღრმავების, პირადი ჰოროსკოპის შედგენისა და საკუთარ შეცდომებზე დაფიქრების შემდეგ, მან ცხოვრების წესი რადიკალურად შეცვალა. თურმე, წარმატების მომტანი პლანეტა იუპიტერი მას სწორედ მედიაში საქმიანობას უწინასწარმეტყველებდა - ასე დაიწყო მისი ტელეკარიერა.

ცაგარელის პირველი ქორწინება, რომელიც 21 წლის ასაკში შედგა, სამ წელიწადში დაინგრა, რაც მან მოგვიანებით კარმულ გაკვეთილად აღიქვა. უკვე 30 წელზე მეტია, იგი ბედნიერად ცხოვრობს მეორე მეუღლესთან, პედაგოგ ნანა ვაშაკიძესთან ერთად. მათი „კუროსა“ და „ქალწულის“ ტანდემი ჰარმონიულობითა და ურთიერთგაგებით გამოირჩევა, რაც ასტროლოგისთვის სტაბილურობისა და შინაგანი მშვიდობის მთავარი წყარო გახდა. მათ ორი შვილი, სალომე და ლევანი ჰყავთ. 

• "ჩვენი სიყვარულის ნაყოფი, სანი, ჩვენი ვარსკვლავბიჭუნა, კიდევ უფრო აძლიერებს ჩვენს სიყვარულს…“ - ანდრია გველესიანისა და მაიკო ვაწაძის ოჯახური ბედნიერება

სწორედ ოჯახისა და შვილების შესახებ ისაუბრა მიხეილ ცაგარელმა პოდკასტში Speak Easy Official. 

მიხეილ ცაგარელის ოჯახი - მეუღლე და შვილები 

„ვცდილობ, მათი თავისუფლება არ შევზღუდო. მე მაქვს ცოტა სხვანაირი პრინციპი - ზოგს მოსწონს, ზოგს - არა, ზოგი თვლის, რომ სწორია, ზოგიც -არა. მე არ ვარ გადამკვდარი მამა, მაგრამ არც ცივი ვარ, რომ არაფერი მაინტერესებდეს. ვთვლი, რომ აქაც ზომიერების მომენტია.  არ მოსწონთ, ის რაც მე მომწონდა, თავის დროზე „ბითლზებზე“ გავიზარდე, ამათთვის ეს სასაცილო იყო.  რასაც ესენი უსმენდნენ, ჩემთვის მიუღებელი იყო რეპი და ეს რაღაც მაიმუნობები, მაგრამ მე პატივი ვეცი, რაც უნდათ მოუსმინონ“, - ამბობს მიხეილ ცაგარელი.