როგორ გახდა ნიცა თავაძე ლუკა ერნანდესის მეუღლის საქორწინო რიტუალის ნაწილი — კადრები, რომლებიც ვიქტორია ტრიაიმ გამოაქვეყნა - Marao

ფრანგული ფეხბურთისა და მოდის სამყაროს ყურადღება გასულ დღეებში გრანდიოზულმა მოვლენამ მიიპყრო - პარიზის „პარი სენ-ჟერმენის“ (PSG) ვარსკვლავმა და საფრანგეთის ეროვნული ნაკრების მცველმა, ლუკა ერნანდესმა და ცნობილმა ესპანელმა მოდელმა და კონტენტ კრეატორმა, ვიქტორია ტრიაიმ იქორწინეს.

• ნიცა თავაძის ვრცელი წერილი: „ნეტავ ადამიანებს ესმოდეთ... ზეწოლა, მსხვერპლი, დისციპლინა, მოლოდინები - და შენ მაინც, ყოველდღე აგრძელებდი გზას"

წყვილმა, რომლის სიყვარულის ისტორიაც რამდენიმე წელს ითვლის და რომლის რომანტიკულმა ნიშნობამ თავის დროზე სოციალური ქსელები ააფეთქა, ქორწილი საფრანგეთში, ზღაპრულ და დახვეწილ გარემოში გადაიხადა. ცერემონიას უამრავი ვარსკვლავური სტუმარი ესწრებოდა, მათ შორის იყვნენ ხვიჩა კვარაცხელია და ნიცა თავაძეც, რომელთა ელეგანტურმა შავმა აუტფიტებმა საზოგადოების განსაკუთრებული აღფრთოვანება გამოიწვია.

საუკუნოვანი საქორწინო რიტუალი და კადრი კულისებიდან

თუმცა, ქორწილის კადრებიდან ყველაზე ემოციური და საინტერესო დეტალი სწორედ ნიცა თავაძესა და პატარძალს შორის არსებულ ურთიერთობას უკავშირდება. ვიქტორია ტრიაიმ Instagram Story-ზე გამოაქვეყნა ფოტო, სადაც ხელში მაკიაჟის ფუნჯი უჭირავს, წარწერით: „Something blue, something borrowed“, სადაც ნიცა თავაძე ჰყავს მონიშნული.

• "დამიანეს წიგნების კითხვა უყვარს" - ნიცა თავაძე ოჯახურ კადრებს გვიზიარებს

ეს კადრი XIX საუკუნის ცნობილ ინგლისურ საქორწინო ტრადიციას ეხმიანება: „Something old, something new, something borrowed, something blue...“ („რაღაც ძველი, რაღაც ახალი, რაღაც ნათხოვარი, რაღაც ლურჯი...“). ტრადიციის მიხედვით, პატარძალმა ქორწილის დღეს აუცილებლად თან უნდა იქონიოს ბედნიერად დაოჯახებული ან ახლობელი ქალისგან ნათხოვარი ნივთი (Something borrowed), რომელსაც ახალ ოჯახში იღბალი, ბედნიერება და სიყვარული მოაქვს, ხოლო ლურჯი დეტალი (Something blue) ერთგულებისა და სიწმინდის სიმბოლოა.

როგორ გახდა ნიცა თავაძე პატარძლის რიტუალის ნაწილი

როგორც აღმოჩნდა, საქორწინო სამზადისისას ვიქტორიას სწორედ ნიცამ ათხოვა მაკიაჟის ნივთი, რათა პატარძალს ეს რიტუალი სრულყოფილად შეესრულებინა.

• მშობლების მეგობრობა, რომელსაც შვილები აგრძელებენ - პატარა დათი დავითაშვილი და დამიანე კვარაცხელია

ამ ჟესტით ნიცა თავაძე არა მხოლოდ ქორწილის საპატიო სტუმარი, არამედ პატარძლის ამ უმნიშვნელოვანესი და ემოციური საქორწინო ტრადიციის უშუალო მონაწილე გახდა, რამაც კიდევ ერთხელ გაუსვა ხაზი მათ შორის არსებულ თბილ და მეგობრულ კავშირს.