"არის ასეთი დღეებიც - მომავლის შიშის დღეები, როცა ყველაზე მარტოდ გრძნობ თავს" - ირინა ონაშვილის წერილი - Marao

ქართველი მოდელი, ინფლუენსერი და „მის საქართველო“ ირინა ონაშვილი სოციალურ ქსელში გამომწერებს საკუთარი ცხოვრების სხვადასხვა კადრსა და განწყობას უზიარებს. მან ფოტოების სერია გამოაქვეყნა, რომელსაც თან ემოციური და გულწრფელი ტექსტი დაურთო.

• "არა, ხალხო, მეც თქვენნაირი ვარ, თქვენზე მეტი სირთულე მაქვს შეიძლება გამოვლილი" - ირინა ონაშვილის გულწრფელი ინტერვიუ სტერეოტიპებსა და ცნობადობაზე 

ირინა ონაშვილი თავის ყოველდღიურობაზე, განცდებსა და იმ განსხვავებულ ეტაპებზე წერს, რომლებსაც თითოეული ადამიანი გადის:

„არის ასეთი დღეებიც - მომავლის შიშის დღეები, როცა ყველაზე მარტოდ გრძნობ თავს. ალბომი ინახავს სახლში ჩაჯდომის დღეებს, როცა ხან რას ვიზელ სახეზე, ხან - რას. ჩემს ხელსაქმეს, რომელიც ერთგვარი თერაპიაა. ჩემს გადაღებებს, სადაც ხან კარგად ვარ, ხან - ცუდად. ალბომში ინახება მომენტები, სადაც ხან ერთად ვტირით, მერე ერთად ვიცინით. ალბომში არის ფოტოები მოგზაურობიდან, სადაც ზოგჯერ ცუდად ვგრძნობდი თავს, ზოგჯერ - პირიქით, ძალიან კარგად. ემოციებით სავსე დღეები - დღეები, როცა სანთელს აქრობ და ჩაიფიქრებ სურვილს, რომლის ახდენის იმედიც მაინც გაქვს.

• "იყო კდემამოსილი ქალი და უცებ სცენაზე სრულიად სხვა ვინმე მოდიოდა" - 40-წლიანი მეგობრობა და ამბები ირინა ონაშვილის წარსულიდან

ასეთი დღეებიც - ბევრი ძალიან ბევრი ბედნიერი მომენტი, რომელიც ძირითადად ამ ორთანაა დაკავშირებული. იმედგაცრუების დღეებიც, გამოპრანჭვის დღეები, თამაშის დღეები, მშვიდი დღეები, შენს თავთან ჰარმონიაში ყოფნის მომენტები ან პირიქით - ვინმეს დახმარების სურვილი..." - წერს ირინა ონაშვილი საკუთარ გვერდზე.