"არც სტერილიზაცია გჭირდებათ და ზედმეტი თავის შეწუხება - აუცილებლად გააკეთეთ ყველამ!" - პომიდვრის შენახვის საუკეთესო გზა ლიკა კვარაცხელიასგან - Marao
"არც სტერილიზაცია გჭირდებათ და ზედმეტი თავის შეწუხება - აუცილებლად გააკეთეთ ყველამ!" - პომიდვრის შენახვის საუკეთესო გზა ლიკა კვარაცხელიასგან
ყველასთვის საყვარელი ლიკა კვარაცხელია მეგობრებსა და გამომწერებს საშემოდგომო სამზადისის კადრებს უზიარებს - ეს სამზადისი წელს განსაკუთრებული და მარტივი რეცეპტებით გამოირჩევა - "როგორია თქვენი სექტემბერი? ვიმარტივებ საქმეს" - წერს ის და ვიდეოს აქვეყნებს - როგორ ინახავს სეზონურ პომიდორს გაყინული ფორმით.
ეს მეთოდი ბევრისთვის ნაცნობი, ბევრისთვის კი სიახლე აღმოჩნდა და ლიკამ არაერთი კითხვაც მიიღო. ყველაზე ხშირად დასმული კი გემოვნური თვისებების შენარჩუნებას ეხებოდა:
"გაყინვისას პომიდორი საკვებ ნივთიერებებს მთლიანად არ კარგავს, ყველაზე მეტად იცვლება მისი ტექსტურა. სწორად გაყინული პომიდორი გემოსა და საკვები ღირებულების დიდ ნაწილს ინარჩუნებს და განსაკუთრებით კარგია სოუსად კერძებისთვის. რა თქმა უნდა, ახალ პომიდორს ვერ ჩაანაცვლებს, უბრალოდ სეზონური პომიდვრის შენახვის ერთ-ერთი კარგი მეთოდია", - განმარტავს ლიკა კვარაცხელია.
პომიდვრის შენახვის ეს მეთოდი ნაცადი აღმოჩნდა არაერთი დიასახლისისთვის: "ყველას გირჩევთ, არც სტერილიზაცია გჭირდებათ და ზედმეტი თავის შეწუხება, თუ რა თქმა უნდა დიდი ზომის საყინულე გაქვთ, აუცილებლად გააკეთეთ ყველამ!" - ვკითხულობთ კომენტარებში.
ლიკა კვარაცხელიას მშივრების წესი
ლიკა კვარაცხელია მოდელი, ინფლუენსერი და ბიზნესლედია. მას სოციალურ ქსელში ბევრი იცნობს. ლიკა არაჩვეულებრივად გამოიყურება - ძნელი დასაჯერებელია, რომ ის უკვე ორი შვილიშვილის ბებიაა.
ლიკა კვარაცხელიას, სამი შვილი: დათუნა, ელენე და ანა შელიები ჰყავს. ანა უკვე დაოჯახებულია მორაგბე ლაშა ლომიძეზე და მათ ორი შვილი შეეძინათ.
ლიკა ასაკის და მიუხედავად ყოველთვის არაჩვეულებრივად გამოიყურება. ის კარგი კულინარია და ჯანსაღ და სწორ კვებას დიდ ყურადღებას აქცევს.