"დავაქორწინეთ - აქ უნდა იყოს სიყვარულის ახსნის ვრცელი ტექსტი, რადგან ეს საოცარი გოგო ცოტა ჩემი გაზრდილიცაა. მანჩი და გიგი,ულევი ბედნიერება თქვენ" , - წერ სოციალურ ქსელში ეკა ხოფერია და კადრებს ჟურნალისტი მანჩი გაბელიას ქორწილიდან აქვეყნებს.
მანჩი გაბელია
ტელეკომპანია „იმედის“ საინფორმაციო გუნდის წევრის, მანჩი გაბელიას პროფესიული გზა სტაჟირებით დაიწყო. იმ პერიოდში იგი საერთაშორისო ურთიერთობების ფაკულტეტის სტუდენტი იყო და რეპორტაჟის მომზადებისთანავე უნივერსიტეტში მიეჩქარებოდა. სანამ მისი თანატოლები თავისუფალ დროს გართობასა და დასვენებას უთმობდნენ, მანჩი მთლიანად საქმეზე იყო კონცენტრირებული.
ჟურნალისტს განსაკუთრებით ხიბლავს დაძაბული და დინამიკური სამუშაო რიტმი, თუმცა ყველაზე ექსტრემალურ სიტუაციებშიც კი ყოველთვის ახერხებს ვიზუალური იერითა და ელეგანტურობით გამოირჩეოდეს. პროფესიულმა აზარტმა, სიმამაცემ და ხიფათისადმი შიშის არქონამ ბიძგი მისცა, რომ 2022 წელს უკრაინაში, საომარი მოქმედებების ეპიცენტრში გამგზავრებულიყო.