ლექს-სენისა და ტატიანას ოჯახი - როგორ ცხოვრობს წყვილი დღეს - Marao
ლექს-სენისა და ტატიანა ბურლიაის ოჯახი, ერთი შვილი და სიყვარულის ისტორია: ქართველი მუსიკოსის ოჯახური კადრები
ქართველი რეპერი ლექს-სენი, რომლის სიმღერებიც 2000-იან წლებში განსაკუთრებული პოპულარობით სარგებლობდა, მსმენელს კარგად ახსოვს ისეთი ჰიტებით, როგორებიცაა „არ თქვა უარი“, „ხელები მაღლა“ და „მინდოდა გამეგო“.
ვინ არის ლექს-სენი?
ალექსანდრე ქავთარაძე, სასცენო სახელით ლექს-სენი, 1981 წლის 18 ივლისს თბილისში დაიბადა. სწავლობდა თბილისის მე-4 ქართულ გიმნაზიაში, სკოლის დასრულების შემდეგ კი, 1998 წელს, სწავლა ივანე ჯავახიშვილის სახელობის თბილისის სახელმწიფო უნივერსიტეტის ფილოსოფიის ფაკულტეტზე განაგრძო.
მუსიკით ჯერ კიდევ სკოლის ასაკში დაინტერესდა. მისი პირველი სიმღერა სტუდენტობის პერიოდში შეიქმნა, რომლის პრემიერაც სტუდენტურ დღეებზე გაიმართა. 2001 წელს გამოვიდა მისი ერთ-ერთი პირველი პოპულარული სიმღერა „არ თქვა უარი“, რასაც სხვა წარმატებული ნამუშევრებიც მოჰყვა.
2002-2005 წლებში ლექს-სენი სტუდია „მაესტროსთან“ თანამშრომლობდა. სწორედ ამ პერიოდში შეიქმნა ისეთი სიმღერები, როგორებიცაა „ხელები მაღლა“, „გაიგე“ და „მისაბაძი კაცი“. 2006 წელს კი მსმენელს ახალი კომპოზიციები, მათ შორის „პატრიოტები“, „კოკოითი ფენდარასტ“, „არ იფიქრო“ და „თქმა არ შემიძლია“ წარუდგინა.
ლექს-სენის ოჯახი
ლექს-სენი 2010 წელს უკრაინელ ტატიანა ბურლიაიზე დაქორწინდა. წყვილი ოჯახურ ცხოვრებაზე გადაცემაში „მხოლოდ ლელასთან“ გამოჩნდა, სადაც ტატიანამ მეუღლის ხასიათზეც ისაუბრა.
მისი თქმით, ლექსოს ემოციების გამოხატვა ყოველთვის მარტივად არ შეუძლია და ზოგჯერ მისგან სითბოს მიღებაც რთულია.
„ლექსო ჩემთვის ძალიან ცივი ადამიანია… რატომ უნდა სთხოვო ჩახუტება. ამ დროს მპასუხობს: ერთი წუთით, ჩაის ვსვამ, გეყოფა. რთული ხასიათი აქვს და ამაზე საერთოდ წრეშიც ბევრი ვთანხმდებით. ვფიქრობ, ურთიერთობაში მთავარია მოთმენა. მაგალითად, ლექსოს რთული ხასიათის, როდესაც დილიდან ცუდ ხასიათზე იღვიძებს“, - ამბობდა ტატიანა.
მომღერლის აზრით, ურთიერთობაში მთავარი ერთმანეთის გაგებაა, რადგან იდეალური ადამიანი არ არსებობს და ყველას აქვს საკუთარი ხასიათი, ემოციები და სისუსტეები.
ლექს-სენმა გადაცემაში ისიც გაიხსენა, რომ მეუღლე ზოგჯერ მის საჯარო განცხადებებსა და ქცევებს აკრიტიკებს. ამის მაგალითად უკრაინაში მიმდინარე ომთან დაკავშირებული საკითხი დაასახელა, რომელიც მათი ოჯახისთვის განსაკუთრებით მტკივნეულია.
„ყოველთვის გაღიმებული ვერ იქნები. ხანდახან მიმიცია შენიშვნა, როდესაც საჯაროდ რაიმეს აღნიშნავდა, რომ ეს არ არის ლამაზი, მაშინ, როდესაც უკრაინაში ჩვენი ბიჭები იღუპებიან. მისი ძმაც ომშია. შესაძლოა, ჩემი შეხედულებაც გადამეტებულია და ტატიანას უთქვამს, რომ რთული ხასიათი მაქვს, თუმცა ყოველთვის ასე არ არის“, – ისაუბრა ლექს-სენმა.
ლექს-სენსა და ტატიანას ერთი ვაჟი, ილია ჰყავთ. ცოტა ხნის წინ ტატიანამ სოციალურ ქსელში ოჯახური ფოტოც გააზიარა, კადრებმა უამრავი მოწონება დაიმსახურა.
