„70 წლის ასაკში გავგიჟდი წითელ პომადაზე“ — მაკა მახარაძე ასაკზე, თავისუფლებასა და აწმყოთი ცხოვრებაზე - Marao
„70 წლის ასაკში გავგიჟდი წითელ პომადაზე“ — მაკა მახარაძე ასაკზე, თავისუფლებასა და აწმყოთი ცხოვრებაზე
ყოველი ახალი ეტაპი ადამიანის ცხოვრებაში ახალ აღმოჩენებს, ინტერესებსა და შინაგან გათავისუფლებას მოაქვს. საკუთარი თავის მიღება და აწმყოს აღქმა სწორედ ის ხელოვნებაა, რომელიც წლებს კიდევ უფრო საინტერესოსა და შინაარსიანს ხდის. ამ თემაზე გადაცემა „შუადღე Live”-ში სტუმრობისას ცნობილმა ქართველმა ხელოვანმა, მაკა მახარაძემ ისაუბრა და მაყურებელს საკუთარი ცხოვრებისეული ფილოსოფია გაუზიარა.
მაკა მახარაძის ინტერვიუ
ხშირად გვგონია, რომ გარკვეულ ასაკში ჩვევების შეცვლა ან ახალი ექსპერიმენტები იშვიათობაა, თუმცა მაკა მახარაძის გამოცდილება სრულიად საპირისპიროს ამტკიცებს. მან ისაუბრა იმაზე, თუ როგორ შეიცვალა მისი დამოკიდებულება მაკიაჟისა და საკუთარი იმიჯის მიმართ:
„70 წლის ასაკში გავგიჟდი წითელ პომადაზე. მანამდე არასდროს მიხმარია და ანუკა, ჩემი ვიზაჟისტი შვილი მეუბნებოდა, დედა, თვალებს რომ იხატავ, ტუჩიც უნდა იყოს საქმეშიო - არ შემეძლო. იცით, რა არის მთავარი ჩემთვის? ჩემი წარმოდგენით, ცხოვრებაში არ უნდა არსებობდეს ფრაზა - ეჰ, ნეტა იმ დროს. როცა ამას იძახი და მისტირი, რა კარგი იყო წარსული, კი ბატონო, იყო, იყო და აღარ განმეორდება არასდროს.“
წარსულის პატივისცემასა და მოგონებებთან ერთად, უმთავრესი მაინც დღევანდელი დღით ცხოვრება და იმ ახალი შესაძლებლობების დანახვაა, რასაც თითოეული წელი გვთავაზობს. სწორედ ეს უნარი - არ იცხოვრო წარსულით და მიიღო ყოველი ასაკი თავისი უნიკალური შტრიხებითა თუ „წითელი პომადით“ - ხდის ადამიანს მართლაც თავისუფალსა და თვითკმარს.