"ყოჩაღო, მეტყოდა და მორჩა, ეს ჩემთვის იმდენს ნიშნავდა, რომ სიხარულისგან ცამდე ავდიოდი" - რას ჰყვება ეკა ჩხეიძე მამის დაკარგვის შესახებ
სერიალ „ჩემი ცოლის დაქალებიდან“ გაიცნო, თუმცა მისი სპექტაკლები და სხვადასხვა სატელევიზიო როლი ყოველთვის დიდი პოპულარობით სარგებლობდა.
ცოტა ხნის წინ ეკა ჩხეიძე ეკო ფანგანის გადაცემას ესტუმრა და მამის დაკარგვით გამოწვეული სიცარიელის შესახებ ისაუბრა:
„მამა 24 წელი პეტერბურგში ცხოვრობდა და ყოველთვის სატელეფონო ურთიერთობა გვქონდა. ყოველდღიური მამა არ ყოფილა, მაგრამ მის აზრს ყოველთვის ჰქონდა მნიშვნელობა, ყოველთვის ვეკითხებოდი რჩევას, მისი შეფასება ყოველ სპექტაკლზე იყო ძალიან მნიშვნელოვანი და შენიშვნას თუ მომცემდა, ყოველთვის ვცდილობდი ამის გამოსწორებას. მის მიერ დადგმულ სამ სპექტაკლში მაქვს ნათამაშები და ყოველთვის ესწრებოდა ხოლმე. ძალიან რთული იყო ჩემთვის მისი დაკარგვა.
რომ დამირეკავდა, გადაცემას ან სერიალს თუ ნახავდა, ყოჩაღო, მეტყოდა და მორჩა, ეს ჩემთვის იმდენს ნიშნავდა, რომ სიხარულისგან ცამდე ავდიოდი. მაქსიმალურად ბევრს ითხოვდა ჩემგან და თავის თავსაც ასე კრიტიკულად უყურებდა“, - იხსენებს ეკა.
„საშინელი ავარიის შემდეგ აღმოვჩნდი ჩემი მეგობრის ცოლი...“ - ეკა ჩხეიძე პირად ცხოვრებაზე საუბრობს