ნინო ანანიაშვილის ემოციური სიტყვა და ქართველი ბალერინას ბოლო პარტია სცენაზე: კატო ლომინაძის შთამბეჭდავი გზა - Marao

„ცოტა გულდასანანი ისტორიაა, მართალი გითხრათ, მაგრამ გვინდა, ვუთხრათ დიდი მადლობა ჩვენს მოცეკვავეს, კატო ლომინაძეს, რომელიც ემშვიდობება სცენას. არაჩვეულებრივი ადამიანი, რომელიც დღემდე მონაწილეობდა და ცეკვავდა ჩვენს სპექტაკლებში. 

• "მამა მეუბნებოდა - შვილო, გული არ ბერდება, გული ჩერდებაო" - ნინო ანანიაშვილის ინტერვიუ ოჯახზე, წლების მატებასა და განვლილ გზაზე

რაც მთავარია, სასწაული როლი ითამაშა - ზრდის 3 ასეთ არაჩვეულებრივ შვილს, როგორ მოახერხა ამდენი, არ ვიცი“, - ამ სიტყვებით დაემშვიდობა ნინო ანანიაშვილი ბალერინა კატო ლომინაძეს, რომელმაც ბოლო როლი თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრის სცენაზე სულ ახლახან შეასრულა. 

ეკატერინე ლომინაძე - ქართველი ბალერინას შთამბეჭდავი გზა

ეკატერინე ლომინაძე წლების მანძილზე იკავებდა მყარ პოზიციას საქართველოს სახელმწიფო ბალეტის კორდებალეტში (Corps de Ballet). კორდებალეტი არის ნებისმიერი საბალეტო სპექტაკლის ხერხემალი, რაც მოითხოვს უმაღლეს ტექნიკურ სინქრონულობას, მუსიკალურობასა და დისციპლინას. თეატრის მიმდინარე და ისტორიული რეპერტუარიდან გამომდინარე, იგი ჩართული იყო ნინო ანანიაშვილის ხელმძღვანელობით დადგმულ თითქმის ყველა მსხვილ კლასიკურ, ნეოკლასიკურ და თანამედროვე სპექტაკლში, მაგალითად: „გედების ტბა“, „მაკნატუნა“, „ჟიზელი“, „დონ კიხოტი“ და სხვ.

• „სცენაზე გასვლის შემდეგ ყველაფერი გავიწყდება...“ - ტრავმა, საფრანგეთი და ბალეტის თერაპიული ძალა: გაიცანით ელენე ღაღანიძე

მიუხედავად იმისა, რომ კორდებალეტის მსახიობები ძირითადად მასშტაბურ სცენებში მონაწილეობენ, ეკატერინეს კარიერაში არის კონკრეტული სოლო და დუეტური გამოსვლები. იგი აქტიურად იღებდა მონაწილეობას ოპერებში ინტეგრირებულ საბალეტო პარტიებში. ერთ-ერთი ასეთი გამორჩეული გამოსვლა იყო ჟიულ მასნეს ცნობილ ოპერაში „ნავარელი ქალი“ (La Navarraise), სადაც მან დავით ანანელთან ერთად შეასრულა სპეციალური საბალეტო დუეტი. როგორც დასის წევრი, იგი მონაწილეობდა საქართველოს სახელმწიფო ბალეტის არაერთ საერთაშორისო გასტროლში მსოფლიოს წამყვან სცენებზე (მათ შორის ევროპასა და აზიაში), სადაც დასი ყოველთვის მაღალ შეფასებებს იღებს საერთაშორისო კრიტიკოსებისგან.

• "დედობა ჩემთვის ყველაფერია, პირველ ადგილზე ყოველთვის ოჯახი მყავდა" - მაკა მახარაძის გულახდილი ინტერვიუ

თბილისის ოპერისა და ბალეტის თეატრის ოფიციალურ საარქივო და მიმდინარე პროგრამებზე დაყრდნობით, წარმოგიდგენთ იმ ძირითად სპექტაკლებს (კლასიკურ, ნეოკლასიკურ და თანამედროვე დადგმებს), სადაც იგი დასთან ერთად მონაწილეობდა:

კლასიკური საბალეტო რეპერტუარი

• „გედების ტბა“ (პეტრე ჩაიკოვსკი) – მონაწილეობა გედების მასობრივ, კლასიკურ სცენებში.
• „მაკნატუნა“ (პეტრე ჩაიკოვსკი) – ფიფქების ვალსი, ყვავილების ვალსი და სხვა მასობრივი ნომრები.
• „ჟიზელი“ (ადოლფ ადანი) – ვილისების (მირტას ამალის) მისტიკური და ტექნიკურად რთული სცენები მეორე აქტში.
• „დონ კიხოტი“ (ლუდვიგ მინკუსი) – ესპანური მასობრივი სცენები, სეგიდილია და დრიადების სამეფოს სურათი.
• „ბაიადერა“ (ლუდვიგ მინკუსი) – ცნობილი „ჩრდილების აქტი“, რომელიც კორდებალეტისგან უმაღლეს სინქრონულობას მოითხოვს.
• „მძინარე მზეთუნახავი“ (პეტრე ჩაიკოვსკი) – ნინფების სცენა და სამეფო ნადიმის სურათები.
• „რაიმონდა“ (ალექსანდრე გლაზუნოვი).
• „კოპელია“ (ლეო დელიბი).

ჯორჯ ბალანჩინის (გიორგი ბალანჩივაძის) ბალეტები

საქართველოს სახელმწიფო ბალეტს აქვს განსაკუთრებული უფლება შეასრულოს გენიალური ქორეოგრაფის, ჯორჯ ბალანჩინის ნეოკლასიკური შედევრები, სადაც ეკატერინე აქტიურად იყო დაკავებული:

• „სერენადა“ (Serenade) – ჩაიკოვსკის მუსიკაზე (ბალანჩინის ერთ-ერთი ყველაზე ცნობილი და ემოციური ნამუშევარი კორდებალეტისთვის).
• „კონცერტო ბაროკო“ (Concerto Barocco) – იოჰან სებასტიან ბახის მუსიკაზე.
• „სიმფონია დო მაჟორში“ (Symphony in C) – ჟორჟ ბიზეს მუსიკაზე.
• „აპოლონ მუსაგეტი“ (Apollo) – იგორ სტრავინსკის მუსიკაზე.
• 

მეოცე საუკუნისა და თანამედროვე ქორეოგრაფია

დასის რეპერტუარში მნიშვნელოვანი ადგილი უჭირავს მე-20 საუკუნის მოდერნს და თანამედროვე ავტორების დადგმებს:

• „საუკუნეთა მიჯნაზე“ და სხვა ნამუშევრები, რომლებიც ირჟი კილიანის ქორეოგრაფიით დაიდგა თბილისის სცენაზე.
• ალექსეი რატმანსკის დადგმები და აღდგენილი სპექტაკლები.
• „ლაურენსია“ (ალექსანდრე კრეინი, ვახტანგ ჭაბუკიანის ქორეოგრაფია, ნინო ანანიაშვილის რედაქცია) – ესპანური ხალხური ცეკვების სტილიზებული, ცეცხლოვანი მასობრივი სცენები.

საოპერო სპექტაკლების ქორეოგრაფიული ნომრები

ეკატერინე ლომინაძე საოპერო სპექტაკლებში ინტეგრირებულ საბალეტო პარტიებშიც იღებს მონაწილეობას:

• „ნავარელი ქალი“ (ჟიულ მასნე) – სადაც შეასრულა სპეციალური საბალეტო დუეტი პარტნიორ დავით ანანელთან ერთად.
• ქორეოგრაფიული სცენები სხვა დიდ საოპერო დადგმებში, მაგალითად, ზაქარია ფალიაშვილის „აბესალომ და ეთერი“ და „დაისი“, სადაც ოპერისა და ბალეტის თეატრის ტრადიციით, ქართული ხალხური ცეკვების საბალეტო სტილიზაციას სწორედ დასის არტისტები ასრულებენ.

„მადლობა, კატო, იმისთვის, რომ იყავი ასეთი საოცარი მეგზური, პარტნიორი ყველა იმ მომენტში, რომელიც სცენაზეც და სცენის მიღმაც ერთად გავაზიარეთ. მართლაც მადლიერი ვარ ყველაფრისთვის, რაც ერთად გამოვიარეთ და იმისთვის, რომ ამდენი ხნის განმავლობაში ჩემ გვერდით იყავი“ , - წერს დევინ როჩა სანტოსი, პროფესიონალი ბალეტის მოცეკვავე და თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრის საბალეტო დასის სოლისტი - ის წლებია აქტიურად მოღვაწეობს საქართველოს სახელმწიფო ბალეტის შემადგენლობაში (ნინო ანანიაშვილის ხელმძღვანელობით) და არაერთ წამყვან პარტიას ასრულებს თეატრის მიმდინარე თუ საგასტროლო რეპერტუარში.

წარმატებული, ბრწყინვალე კარიერის მიღმა, კატო ლომინაძეს ულამაზესი ოჯახი აქვს - ჰყავს მეუღლე, ვატო ხავთასი და 3 არაჩვეულებრივი შვილი - სწორედ ოჯახია მისი ყველაზე დიდი გულშემატკივარი, რომლებიც მის გვერდით სცენაზე იყვნენ ამ უმნიშვნელოვანეს დღესაც, საბალეტო კარიერის დასასრულს.