"განსაკუთრებული დღე - მისტერ სასწაული" - თიკა ფაცაციას დაუვიწყარი დაბადების დღე მეუღლესა და მეგობრებთან ერთად - Marao

"ჩემი დაბადების დღის განსაკუთრებული დღე - მისტერ სასწაული - ეს ემოციები ხშირად უნდა ვიგრძნო! მის კონცერტზე,17 წლის შემდეგ, უკვე მეორედ ვიყავი. He is truly Wonder - ის მართლაც სასწაულია. 

• მეგობრობა, რომელიც უძლებს წლებს: მშვენიერი ქართველი მოდელების ერთგულებისა და სიყვარულის ამბავი

დღევანდელი დღე შედგა! მადლობა სამყაროსა და ჩემს ადამიანებს - ლიკა კვარაცხელიას ამ ბედნიერებისთვის და თავად Mr. Wonder-ს!" - წერს სოციალურ ქსელში ყველასთვის საყვარელი ტელესახე თიკა ფაცაცია, რომელიც 18 ოქტომბერს იუბილარი იყო. მან დაბადების დღე მეუღლესთან, დავით ანთელიძესთან და მეგობრებთან, ლიკა კვარაცხელიასა და მურთაზ შელიასთან ერთად აღნიშნა. თიკა ფაცაცია 45 წლის გახდა, ეს მნიშვნელოვანი თარიღი მან სტივი უანდერის კონცერტზე, დაუვიწყარი ემოციებით აღნიშნა. 

თიკა ფაცაცია - ოჯახი და კარიერა

თიკა ფაცაცია არის ქართველი მოდელი, მომღერალი, წამყვანი. „მის თბილისი“, „მის საქართველო“, „მის ოქროს გლობუსი“ (მე-3 ადგილი).

1987 წელს, 3 წლის ასაკში შეიყვანეს საბალეტო სკოლაში. მოგვიანებით, 1991 წელს თიკა ფორტეპიანოსა და გიტარაზე დაკვრა ისწავლა. 1997 წელს თიკა პროფესიონალურ მოდელობას მოჰკიდა ხელი და ქართველი მოდელიორების თითქმის ყველა ჩვენებაში მონაწილეობდა. 2000 წელს ჯგუფი „სეთი“ შექმნა და აშშ–ში გაემგზავრა. 2003 წელს კი თიკამ პირველი ალბომი გამოსცა სახელწოდებით „თქვი, რას აპირებ“. ალბომში ახალი 11 სიმღერა შევიდა. 2006 წელს გამოვიდა თიკას სინგლი „სიმართლის დროა“.

• "ნახეთ, თიკას რა მაგარი ქმარი ჰყავს-მეთქი!" - თიკა ფაცაციას 28-წლიანი სიყვარულის ამბავი და ბედნიერი ოჯახი

2008 წელს თიკა ფაცაცია „იმედის ტალღის“ გამარჯვებული გახდა, იმავე წელს ევროვიზია 2008–ში სურდა მონაწილეობის მიღება, თუმცა მან დიანა ღურწკაიაზე ნაკლები ქულა დააგროვა.

2009 წელს თიკა კვლავ ევროვიზია 2009–ის შესარჩევ კონკურსში მიიღო მონაწილეობა სიმღერით „Miracle“ („საოცრება ხარ“), მაგრამ ევროვიზიაზე წარსადგენად სტეფანე და სამი გოგო აირჩიეს.

• "ძალიან მეშინია - ვისაც ძალიან უყვარდა, ყველას უჭერს განშორება" - თიკა ფაცაციას გულახდილი ინტერვიუ ოჯახზე, მეუღლეზე, შვილებსა და განვლილ გზაზე

2010 წლის 1 თებერვლიდან თიკა ფაცაცია შოუ „ნიჭიერის“ წამყვანი იყო. მისი და ვანიკო თარხნიშვილის დუეტი წარმატებული აღმოჩნდა. გარდა „ნიჭიერისა“ მათ ერთად მიჰყავდათ შოუ „მელომანია“. ამჟამად თიკა ტელეკომპანია „რუსთავი 2“-ის გადაცემების, „სხვა შუადღისა“ და "ექიმების" წამყვანია.2021 წლიდან არის "ნიჭიერის" ჟიურის წევრი და სხვადასხვა ქართული ტელეშოუს წამყვანი.